Background Image
Previous Page  11 / 136 Next Page
Information
Show Menu
Previous Page 11 / 136 Next Page
Page Background

11

hvers vegna

valdirðu háskóla

íslands?

Ég hitti kærustuna mína í Bandaríkjunum í fyrrasumar

en hún var á leiðinni til Íslands í framhaldsnám í

lögfræði. Hún er frá Moldóvíu en ég er frá Rússlandi.

Ég sótti um í Háskóla Íslands til þess að við gætum

verið áfram saman.

Ég valdi Háskóla Íslands vegna þess að Sálfræðideildin

er mjög góð og krefjandi og er líklegast best á landinu.

Háskóli Íslands hefur mjög gott orðspor og gráðan

sem ég mun fá að loknu námi er vel metin. Skólinn

býður einnig upp á nám í klínískri sálfræði sem gefur

starfsréttindi sem sálfræðingur.

Ég hafði heyrt mjög góða hluti bæði um gæði námsins

og kennarana og svo að sjálfsögðu að félagslífið væri

heldur ekki af verri gerðinni.

Dimitri Fufachev

MS-nemi í vélaverkfræði með áherslu

á endurnýjanlega orku

Ingunn Júlía Tómasdóttir

BS-nemi í sálfræði

Leifur Gunnarsson

BA-nemi í lögfræði

Má bjóða þér ólífur og

vínber frá sautjándu öld?

N

ú er unnið að heildstæðu riti um

fornleifauppgröft vísindamanna

Háskóla Íslands og Fornleifa-

stofnunar Íslands í Skálholti árin

2002 til 2007.

„Þetta verða nokkur bindi sem innihalda

greinar frá um það bil 20 ólíkum fræðimönnum.

Ritið er enn í vinnslu og það verður ekki gefið

út fyrr en í fyrsta lagi á næsta ári,“ segir Gavin

Murray Lucas, prófessor í fornleifafræði, sem er

ritstjóri verksins.

Aðspurður um tilefni útgáfunnar svarar

Gavin því að vísindamenn hafi þær skyldur að

gefa út niðurstöður úr svo stóru og mikilvægu

fornleifaverkefni. „Mér finnst þessi staður búa

yfir merkri sögu um heldrimannasamfélag á

Íslandi seint á sautjándu öld og á þeirri átjándu,

sér í lagi um efnisleg gæði hversdagsins.“

Gavin segir að í bókinni sé verið að skoða

neyslu, sjálfsvitund og samfélagsvitund og

hvernig þetta birtist í efnismenningunni á

þessum tíma.

„Á svæðinu hefur fundist mikið safn hluta,

jafnvel munir sem oft varðveitast ekki, en það

hafa þeir samt gert eftir að hafa legið öldum

saman í jörðinni. Þetta er allt frá innfluttum

ólífum og vínberjum til kínversks postulíns.

Einnig hafa komið í leitirnar hlutir af svæðinu

sjálfu úr daglega lífinu, eins og egg, klæði og

ílát úr tré og jafnvel fjaðurpenni. Byggingarnar

sjálfar eru merkilega vel varðveittar eins og

margir munanna. Í stuttu máli þá veitir gnægð

þess sem fannst möguleikann á að segja margar

góðar sögur.“

Hverjar eru þessar sögur? „Þú verður bara að

bíða og sjá!“

Gavin segir að rannsóknir í fornleifafræði séu

mikilvægar fyrir samfélagið á margan hátt, „en

mér hefur alltaf fundist einstakur þessi ákveðni

fókus og athygli á efnislega hluti sem menn

eru alltaf að finna í fornleifauppgreftrinum.

Hlutir hafa alltaf fylgt fólki og samfélögum

og ég held að við vanmetum sífellt þau áhrif

sem hlutir hafa í því að móta líf okkar, hegðun

og sögu. Það að við sættum okkur við þetta,

sérstaklega út frá langtímasjónarmiði, skiptir

öllu máli fyrir framtíðarsýn okkar. Þess vegna er

fornleifafræði, sem alla jafna er álitin grein sem

fæst við fjarlæga fortíð, í sívaxandi mæli að fást

við málefni líðandi dags, um samtíð eða framtíð,

eins og loftslagsbreytingar eða endurvinnslu.“

Gavin Murray Lucas

,

prófessor við Sagnfræði- og heimspekideild